எங்கள் நிறுவனர்கள்

முனைவர் கோ. தனஞ்ஜெயன்

தயாரிப்பாளர்-திரைக்கதை எழுத்தாளர்-ஆசிரியர்-பாஃப்டா திரைப்படக் கல்லூரி நிறுவனர்

முனைவர் கோ. தனஞ்ஜெயன் மேலாண்மை நிபுணராக 25 ஆண்டுகளுக்கும் மேலாக கார்ப்பரேட் தொழில் அனுபவத்துடன், 2016 ல் தொழிலதிபராக ஆவதற்கு முன்னதாகக் கன்சாய் நேரொலாக் பெயிண்ட்ஸ், ஸரிகம -எச்எம்வி, ஏர்டெல், வோடாபோன், மோசர் பேர் எண்டர்டெயின்மெண்ட் மற்றும் டிஸ்னி யுடிவி போன்றவற்றில் உயர்பதவியில் இருந்துள்ளார். இவர் சிறந்த எழுத்தாளராக இரண்டு முறை தேசிய விருது பெற்ற எழுத்தாளர் (2014 மற்றும் 2016 ஆண்டுகள்) மட்டுமல்லாமல் மும்பை பல்கலைக்கழகத்தில் திரைத்துறையில் முனைவர் பட்டமும் பெற்றவர் ஆவார். அவர் தமிழ், மலையாளம் மற்றும் இந்தி மொழிகளில் திரைப்பட தயாரிப்பு, சந்தைப்படுத்தல் மற்றும் விநியோகம் ஆகியவற்றில் 15 ஆண்டுகளுக்கும் மேலாக 40 க்கும் மேற்பட்ட படங்களில் ஈடுபட்டுள்ளார், அவற்றில் பல படங்கள் பாக்ஸ் ஆபிஸ் வெற்றிபெற்ற படங்களாகும். ஜோதிகா நடித்த காற்றின் மொழி, விஜய் ஆண்டனி நடித்த கொலைகாரன் மற்றும் கோடியில் ஒருவன் ஆகிய படங்கள் அவரது சமீபத்திய வெற்றிப் படங்கள் ஆகும்.

முனைவர் கோ. தனஞ்ஜெயன் அவர்கள் 2015 இல் உருவாக்கப்பட்ட போப்தா திரைப்பட நிறுவனத்தின் நிறுவனர்-இயக்குனர் ஆவார், இந்நிறுவனம், இன்று தமிழ்நாட்டின் முன்னணி திரைப்பட நிறுவனமாக கருதப்படுகிறது. மேலும் 2016 இல் திரைத் துறையின் சிறந்த முன்னுதாரணமாக இந்நிறுவனம் விளங்குகின்றது. கொரோனா காலகட்டத்திற்குப்பிறகு பல சவால்கள் இருந்தபோதிலும், அவர் நிறுவனத்தை வெற்றிகரமாக நடத்துகிறார்.

முனைவர் கோ. தனஞ்ஜெயன் அவர்கள் பிரபல நடிகர் விஜய் ஆண்டனியுடன் (கொலை, காக்கி, மழை பிடிக்காத மனிதன் மற்றும் ரத்தம்) பல படங்களைத் தயாரித்து திரைப்படத் தயாரிப்பில் ஈடுபட்டுள்ள இன்பினிட்டி ஃபிலிம் வென்ச்சர்ஸ் நிறுவனத்தின் பங்குதாரராக உள்ளார்.

முனைவர் கோ. தனஞ்ஜெயன் தமிழ்த் திரைப்படங்களுக்கான முன்னணி திரைப்படத் துறை சங்கமான தமிழ்த் திரைப்படத் தயாரிப்பாளர்கள் சங்கத்தின் (TFAPA) நிறுவனர்களில் ஒருவர் மற்றும் பொருளாளர் ஆவார்.

முனைவர் கோ. தனஞ்ஜெயன் திரைப்பட விநியோகத்திலும் ஈடுபட்டுள்ளார் மேலும் இவன் தந்திரன், அசுரன், காவல் துறை உங்கள் நண்பன், கயமை கடக்க, இறுதி பக்கம், மற்றும் பரோல் போன்ற பல குறிப்பிடத்தக்க படங்களை விநியோகம் செய்துள்ளார்.

முனைவர் கோ. தனஞ்ஜெயன் ஒரு திரைக்கதை எழுத்தாளர் மற்றும் ஒரு சில படங்களுக்கு திரைக்கதை மற்றும் வசனம் எழுதியுள்ளார். இவரின் அடுத்த திரைக்கதையை தற்போது நடிகை ஹன்சிகாவை வைத்து ‘காந்தாரி’ என்ற பெயரில் இயக்குனர் ஆர்.கண்ணன் படமாக தயாரித்து வருகிறார். அவர் திரைக்கதை மற்றும் திரைத்துறை குறித்து திரைக்கதை எழுத்தாளர்கள் மற்றும் திரைப்பட தயாரிப்பு நிறுவனங்களுடன் தொடர்ந்து ஆலோசனை நடத்துகிறார்.

முனைவர் கோ. தனஞ்ஜெயன் 2010 ஆம் ஆண்டு முதல் திரைப்படங்களின் சமூக ஊடக சந்தைப்படுத்துதலில் முன்னோடியாகக் கருதப்படுகிறார், மேலும் திரைப்படத் துறையில் தனது புதுமையான சந்தைப்படுத்தல் மற்றும் விளம்பரத் திறன்களுக்காக அறியப்படுகிறார். திரைத்துறை சார்ந்த அனைத்து மன்றங்களிலும் திரைப்படத் துறையின் நலன்களை மேம்படுத்துவதிலும் இவர் பங்கேற்று இருக்கிறார்.

தென்னிந்தியத் திரைத்துறையின் சிஐஐ உச்சி மாநாட்டின் ஏற்பாட்டுக் குழு உறுப்பினர்களில் ஒருவராக இருந்தார்.

முனைவர் மதன் கார்க்கி

கதை-திரைக்கதை-வசனம் -பாடலாசிரியர்

மதன் கார்க்கி அவர்கள் 2001இல் கிண்டியில் உள்ள அண்ணா பல்கலைக் கழகத்தின் பொறியியல் கல்லூரியில் கணினி அறிவியலில் இளங்கலை முடித்தார். 2002 இல், ஆஸ்திரேலியாவில் உள்ள குயின்ஸ்லாந்து பல்கலைக்கழகத்தில் தகவல் தொழில்நுட்பத்தில் முதுகலைப் படிப்பதற்காகச் சென்றார். அங்கு, சிறந்த மதிப்பெண்களுடன் முதுகலைப் பட்டமும், முனைவர் பட்டத்திற்கான முழு உதவித்தொகையும் அவருக்கு வழங்கப்பட்டது. அதன் பின்னர், தனது முனைவர் பட்டத்தை வெற்றிகரமாக முடித்த மதன் கார்க்கி சென்னை திரும்பினார். 2009 முதல் - 2013 வரையில் அண்ணா பல்கலைக்கழகத்தின் கணினி அறிவியல் துறையில் உதவிப் பேராசிரியராகப் பணியாற்றினார். தமிழ்க் கணிப்பொறியில் ஏராளமான கட்டுரைகளையும் ஆய்வுக் கட்டுரைகளையும் வெளியிட்டுள்ளார். லிரிக் இன்ஜினியரிங் என்பது அவருக்குப் பிடித்த ஆராய்ச்சிப் பகுதியாகும். தன் மாணவர்களிடம் உள்ள உள்ளார்ந்த அறிவைச் சிறந்த சிந்தனைகள் மூலம் வெளிக்கொணரும்படியான ஆற்றல் கொண்ட ஆசிரியர் இவர்.

மதன் தனது மனைவி நந்தினியுடன் இணைந்து மெல்லினம் கல்வி நிறுவனத்தை நிறுவினார், இது உலகெங்கிலும் உள்ள தமிழர்களுக்கு கல்வி தொடர்பான தயாரிப்புகள் மற்றும் சேவைகளை வழங்குகிறது. மெல்லினத்தின் முதல் திட்டமான ஐபாட்டி 1.0, தமிழ் குழந்தைகளுக்கான பாடல்களின் தொகுப்பு ஆகும்.

ஷங்கர் அவர்களின் இயக்கத்தில் வெளிவந்த சூப்பர் ஸ்டார் ரஜினிகாந்த் மற்றும் ஐஸ்வர்யா ராய் நடித்த 'எந்திரன்' படத்தில் கார்க்கி தனது முதல் பாடலை எழுத தொடங்கினார். அவரது முதல் பாடலான 'இரும்பிலே ஒரு இதயம்', அகாடமி விருது வென்ற ஏ.ஆர்.ரஹ்மானால் இசையமைத்து பாடப்பெற்றது. விஜய் டிவியின் 2010 ஆம் ஆண்டின் சிறந்த பாடலுக்கான விருது கார்க்கிக்கு இந்தப் பாடல் பெற்றுத் தந்தது. 'கோ' திரைப்படத்தில் 'என்னமோ ஏதோ' என்ற பாடல் கார்க்கியின் புதுமையை வெளிப்படுத்தியது. அவரது ‘குவியமில்லா ஒரு காட்சி பேழை' என்ற பாடல் வரிகள், புகைப்பட கலைஞர்களின் நிலையை விவரிக்கும் விதமாக இருந்தது. இப்பாடல் பாடல்களின் தரவரிசையில், ஆறு மாதக் காலம் வரையில் முதல் நிலையிலும், ஒரு வருடக் காலம் வரையில் தரவரிசைப் பட்டியலிலும் இடம்பெற்று வந்தது. கார்க்கிக்குப் பல விருதுகளையும் இந்தப் பாடல் பெற்றுத்தந்தது. இந்தப் பாடல் 2011 ஆம் ஆண்டின் சிறந்த பாடலாக, பல விருது விழாக்களில் விமர்சகர்களாலும், ரசிகர்களாலும் தேர்ந்தெடுக்கப்பட்டது.

‘7ஆம் அறிவு’ படத்திற்காகக் கார்க்கி எழுதிய ஸே யின் என்ற மாண்டரின் பாடலும், ‘நண்பன்’ படத்தில் வரும் 16 மொழிகள் அடங்கிய ‘அஸ்க் லஸ்கா’ பாடலும், கார்க்கிக்கு மொழிகளின் மீதான காதலை வெளிப்படுத்துகிறது. சிங்கப்பூர் வானொலியில் 12 மாதங்களுக்கும் மேலாக தரவரிசையில் முதலாம் இடத்தில் அஸ்கு லஸ்கா என்ற பாடல் இருந்தது. சீதா ராமம் என்ற படத்தில் 'குருமுகில்', பாகுபலி என்ற படத்தில், ‘சிவா சிவாய போற்றியே’ இயக்குனர் மணிரத்தினத்தின் கடல் என்ற படத்தில் இருந்து 'அடியே', ஐ என்ற படத்தில் இருந்து ‘பூக்களே’, லிங்கா என்ற படத்தில் இருந்து ‘மோனா கேசோலினா’ மற்றும் டெடி என்ற படத்தில் இருந்து 'என் இனிய தனிமையே' போன்ற பாடல்கள் கார்க்கியின் புகழ் பெற்ற பாடல்கள் ஆகும்.

கார்க்கி 375 திரைப்படங்களில், 900க்கும் மேலாகப் பாடல்கள் எழுதியுள்ளார், பெரும்புகழ் வாய்ந்த எந்திரன், தி ரோபோட் , பாகுபலி 1, பாகுபலி 2, ஆர்ஆர்ஆர், புஷ்பா, சீதாராமம் போன்ற பிரபலமான திரைப்படங்களுக்கு வசனங்களையும் எழுதி இருக்கிறார். பாகுபலிக்காகக் கார்க்கி அவர்கள் 750 சொற்கள் மற்றும் 40 இலக்கண விதிகள் அடங்கிய கிளிகி என்ற புதிய மொழியைக் கண்டுபிடித்தார்.